{actor} Soirée inoubliable @Wechwacha-Club

{actor} Quand on est ingénieur...

المهندس... كي نتبعو السّيرة الذّاتيّة متاعو, نلقاوه بدا وليّد عاقل في اللّيسي, كيف برشة تلامذة, لكنّو متفوّق على صحابو في "الماط" و "الفيزيك".

كيف ينجح في الباك و يجيب معدّل باهي, يهزّوه للمعهد التّحضيري للدّراسات الهندسيّة و المعروفة ب "البريباراتوار", و غادي يولّي عبارة على فأر تجارب يحطّوه مع برشة جماعة قرّاية كيفو و يشوفوه يتحمّلّش السّتراس و الرّيتم متاع قراية صعيبة لمدّة عامين. بإسم العلم, هل تلامذة يعدّيو أحلى فترة في حياتهم, في الوقت إلّي تتكوّن فيه شخصيّة العبد, و يعمل...{actor} Quand on est ingénieur...

المهندس ... كي نتبعو السّيرة الذّاتيّة متاعو, نلقاوه بدا وليّد عاقل في اللّيسي, كيف برشة تلامذة, لكنّو متفوّق على صحابو في "الماط" و "الفيزيك".

كيف ينجح في الباك و يجيب معدّل باهي, يهزّوه للمعهد التّحضيري للدّراسات الهندسيّة و المعروفة ب "البريباراتوار", و غادي يولّي عبارة على فأر تجارب يحطّوه مع برشة جماعة قرّاية كيفو و يشوفوه يتحمّلّش السّتراس و الرّيتم متاع قراية صعيبة لمدّة عامين. بإسم العلم, هل تلامذة يعدّيو أحلى فترة في حياتهم, في الوقت إلّي تتكوّن فيه شخصيّة العبد, و يعمل فيها علاقات إجتماعيّة, ويتعلّم التّواصل مع .. الجنس المقابل, يعديوه ها الطّلبة في التّمحريث و القراية. تي هو الحيوان كي تحبسو عامين يطلع معقّد و يهبل!!المفيد بعد ها العامين إلّي ما يقعد فيهم كان الصحيح, يعني إلّي مخّو ما فيه كان قراية, يمشي يزيد يعمل تلاثة سنين أخرين في مدرسة هندسة أخرى, و يزيد يتخصّص و يولّي ما يحكي كان عل إختصاص متاعو. جماعة لنفورمانيك, إلّي أنا معاهم في العجّة, ما يحكيّو كان عل انفورماتيك و آخر الطّلعات, و كي يجيّو يبدلو الجو يحكيّو على ألعاب لورديناتار, و لانا سطاج وصلو... معناها عندهم عالمهم الإفتراضي إلّي عايشين فيه, و تلقاهم بكلهم عاقلين, ما يعملوش المشاكل, ما يقلقو حد...على أبواب التّخرّج, ما تسمع كان لحديث على الشّركات: تونيزيانا, آس تي, إي بي آم, ألكاتال...

بعد ما يشد خدمة , تبدى الحياة الحقيقيّة, و يكتشف حقيقة مرّة.الحقيقة المرّة هي أنّو بعد الخدمة يجي العرس. و قبل العرس يلزم سي المهندس يتعرّف على بنيّة يخطبها. المشكلة هي أنّو قرّاوه كل شي, و علموه كل شي, لكن ما علموشي كيفاش يحكي مع طفلة و لاّ كيما يقولو يطيّحها.خمسة سنين و هو غاطس في القراية و الكتب حتّى نسا أنّو فمّا بنات. و كيف يفيق يلقى روحو كعبة لا! لا يعرف لا يبل و لا يعل في الأمور هاذي... و يبدى يشوف فيهم يخطفو فيهم من قدّامو و هو ما يعرفّش حتّى آش يقول... هذا هو واقع "الأنجينيار" إلّي برشة يحسدوه عليه Show more